आईपीएल - पन्जाब र लखनउ भिड्दै
काठमाडौं । भारतमा जारी ईन्डियन प्रिमियर लिग(आईपीएल) मा आज शुक्रबार एक खेल हुदैछ ।
पन्जाबको घरेलु बिन्द्रा क्रिकेट स्टेडियम मोहालीमा हुने खेल नेपाली समयअनुसार बेलुका पौने आठबाट हुनेछ ।
पन्जाबले लिगको सुरुआतमा देखाएको लय पछिल्ला केही खेलमा गुमाएको छ । पन्जाब सात खेलमा चार जित र तीन हारका साथ छैटौं स्थानमा रहेको छ ।
लखनउ यस खेलमा जित हात पारी शीर्ष स्थानको दावेदारी पेश गर्न चाहन्छ । लखनउ सात खेलमा चार जित र तीन हारका साथ अंक तालिकाको चौथो स्थानमा रहेको छ ।
अघिल्लो खेलमा पन्जाबले मुम्बई ईन्डियन्सलाई हराएको थियो । लखनउ भने गुजरात टाईटन्ससँग पराजित भएको थियो ।
यि दुई टोलीबीच जम्मा दुई खेल भएकोमा दुवै टोलीले एक एक खेल जितेका छन् ।
यो सिजन दुई टोली दोस्रो पटक खेल्दै छन् । यस सिजन दुई टोलीबीचको पहिलो भेटमा पन्जाबले २ विकेटको रोमान्चक जित हात पारेको थियो ।
