ललितले दिलाए छैटौं सफलता 

काठमाडौं । आईसीसी विश्वकप लिग टू अन्तर्गतको अन्तिम त्रिकोणात्मक सिरिजको आफ्नो दोस्रो खेलमा युएईविरुद्ध बलिङ गरिरहेको नेपालले छैटौं विकेट लिएको छ । 

युएईका आयान खान आउट भएका छन् । खानलाई ललित नारायण राजवंशीको बलमा आउट भएका हुन् । 

पहिलो ओभरको पाँचौं बलमा व्रत्य अरबिन्दलाई गुमाएको युएईले तीन ओभर चार बलमा दोस्रो विकेटका रुपमा आर्यान लाक्रालाई गुमाएको थियो । 

चौथो ओभरको चौथो बलमा मुहम्मद वासिम आउट भएका थिए । पाँचौ ओभरको पहिलो बलमा युएईले चौथो विकेट गुमाएको थियो । 

नेपालका लागि ललित राजवंशीले ३ तथा सोमपाल कामी र दीपेन्द्र सिंह ऐरीले समान १/१ विकेट लिए । 

युएईले अहिले १६ ओभर १ बलमा ६ विकेट गुमाएर ४६ रन बनाएको छ । 

टियु मैदान कीर्तिपुरमा जारी खेलमा टस जितेर पहिले ब्याटिङ गरेको नेपालले ४९ ओभर २ बलमा अलआउट हुदैं २ सय ४८ रन बनाएको हो ।