थ्री स्टारले खुमलटारलाई हरायो

काठमाडौं । सहिद स्मारक 'ए' डिभिजन लिग फुटबलमा थ्री स्टार क्लबले जित निकालेको छ ।

एन्फा कम्प्लेक्समा शुक्रबार भएको खेलमा थ्री स्टारले एफसी खुमलटारलाई २-० गोल अन्तरले हराएको हो ।

थ्री स्टारको जित अजयी मार्टिन्सले दुई गोल गरे । तर, दुबै गोल दोस्रो हाफमा भएको थियो ।

खेलको ५४ औं मिनेटमा मार्टिन्सले गोल गर्दै थ्री स्टारलाई सुरुआती अग्रता दिलाएका थिए ।

त्यसपछि खेलको ८३ औं मिनेटमा मार्टिन्सले व्यक्तिगत दोस्रो गोल गर्दै थ्री स्टारलाई २-० को जित दिलाए ।

थ्री स्टारको यो पहिलो जित हो ।

जितसँगै थ्री स्टार ३ खेलमा ४ अंक जोडेको छ ।

नवप्रवेशी क्लब खुमलटारको यो दोस्रो हार हो ।

खुमलटारले ३ खेलमा ३ अंक जोडेको छ ।