काठमाडौं । नेपालका ओपनर आसिफ शेखले आईसीसी विश्वकप लिग टू अन्तर्गतको अन्तिम त्रिकोणात्मक सिरिजको पहिलो खेल पपुवा न्यु गिनी (पीएनजी) विरुद्ध शतक पूरा गरेका छन् ।
टियु क्रिकेट मैदानमा उनले १ सय १ बलमा १० चौका र २ छक्काको सहयोगमा शतक पूरा गरेका छन् ।
आसिफको यो करियरको पहिलो शतक हो ।
एकदिवसीय अन्तराष्ट्रियमा शतक पूरा गर्ने उनी नेपालका पाँचौ खेलाडी हुन् ।
आसिफको शतकसँगै नेपालले ३५ ओभरमा १ सय ८६ रन बनाएको छ ।
नेपालका अर्को ओपनर कुशल भुर्तेल ४४ रनमा आउट भए भने पूर्व कप्तान ज्ञानेन्द्र मल्ल ११ रनमा आउट भए । कुशल मल्ल २ रनमा क्याच आउट भएका थिए ।
