नेपाली टोली आज स्वदेश फर्कने

काठमाडौं । आईसीसी विश्वकप लिग टू अन्तर्गतको सिरिजमा सहभागी हुन यूएई गएको नेपाली टोली आज मंगलबार स्वदेश फर्कदैछ । 

लिग टू सिरिजको आफ्नो अन्तिम विदेशी त्रिकोणात्मक सिरिज खेलेर नेपाली टोली स्वदेश फर्कन लागेको हो । 

नेपाली टोली आज साँझ ६ बजे नेपाल आईपुग्ने नेपाल क्रिकेट संघ(क्यान)ले जनाएको छ । 

यूएई भ्रमणका क्रममा नेपालले खेलेको चार मध्ये तीन खेलमा जित हात पारेको थियो ।

पपुवा न्यु गिनी(पीएनजी) र घरेलु टोलीसँग समान २/२ खेल खेलेको थियो ।

नेपालले पीएनजीसँगको दुई नै खेल तथा घरेलु टोलीसँगको एक खेल जितेको थियो ।