कैलाली जिल्ला स्तरीय राष्ट्रपति रनिङ शिल्ड सुरु

कैलाली । १३ औं कैलाली जिल्ला स्तरीय राष्ट्रपति रनिङ शिल्ड प्रतियोगिता सुरु भएको छ ।

जिल्ला खेलकुद विकास समितिको आयोजनामा धनगढी रंगशालामा प्रतियोगिता सुरु भएको हो । प्रतियोगिताको सुदुरपश्चिम प्रदेश सभा सदस्य रमेश धामीले उद्घाटन गरे ।

उद्घाटन समारोह कैलाली जिल्ला अध्यक्ष ललित खत्रीको अध्यक्षतामा सम्पन्न भएको हो । 

तीन दिनसम्म सञ्चालन हुने प्रतियोगितामा जिल्लाका १३ वटा पालिकाका एक हजारभन्दा बढी खेलाडीहरुले भाग लिएका छन् ।

प्रतियोगितामा भलिवल, कवड्डी, एथ्लेटिक्स, कराते, उसु र तेक्वान्दो खेल समावेश रहेका छन् । पहिलो दिन विभिन्न खेलहरुका लिग चरणका खेलहरु सम्पन्न भएका छन् ।

प्रतियोगिताका बिजेता उपविजेता पालिकालाई शिल्ड, ट्रफी र प्रमाणपत्र वितरण गरिने आयोजकले जनाएको छ ।

प्रतियोगिताका उत्कृष्ट खेलाडीहरुले प्रदेश राष्ट्रपति रनिङ शिल्ड प्रतियोगितामा सहभागीता जनाउनेछन् ।