नेपालको विजयी सुरुआत

काठमाडौं। नेपालले साफ यु–२० च्याम्पियनसिपमा विजयी सुरुआत गरेको छ।

मालेमा सोमबार सम्पन्न खेलमा नेपालले भुटानलाई २–१ ले पराजित गरेको हो। योसँगै नेपालले ३ अंक जोडेको छ।

खेलको सातौं मिनेटमै नेपालले सुरुआती अग्रता लिएको थियो। आफ्नै टोलीका खेलाडीले दिएको ब्याक पास बललाई गोलकिपरले समातेपछि सिक्स यार्ड बक्सनजिक नेपालले फ्रिकक पाएको थियो।

झोन विष्टले दिएको ब्याक फ्रिकक बललाई सुजन डंगोलले सुन्दर गोल गरे।