काठमाडौं । चीनमा आयोजना हुने एसियन गेम्सका लागि करातेको प्रारम्भिक खेलाडी छनोट सम्पन्न भएको छ ।
सातदोबाटोस्थित कराते एकेडेमीमा आयोजना भएको खेलाडी छनोट आइतबारबाट सम्पन्न भएको हो ।
प्रारम्भिक चरणमा महिला र पुरुषको ६/६ गरि १२ तौल समूहबाट ४८ जना खेलाडी छनोट भएको करातेको सहायक मुख्य प्रशिक्षक तथा सागका दोहोरो स्वर्ण पदकधारी दीपक श्रेष्ठले जानकारी दिए ।
महिला ६१ केजीमा एपीएफकी रमिता माझी, पुलिसका सोनी राई, आर्मीका निरुपा तामाङ र पुलिसका आर्मीला डिसी छनोट भएकी छिन् ।
महिला ६८ केजी मुनि एपीएफकी डायना ओझा, बागमतीका बिनिता श्रेष्ठ, बागमतीका श्रद्दा थापा र बागमतीकै आशिका राई छनोट भएकी छन् ।
महिला ६८ केजी माथि पुलिसका अरिका गुरुङ, बागमतीका रोजिता ढुंगेल, बागमतीका महिमा राई र लुम्बिनीका दिया थापा छनोट भएकी छन् ।
महिला ५० केजीमा बागमतीका अन्जली महर्जन, आर्मीका मिस्ली श्रेष्ठ, बागमतीका नानु शाक्य र पुलिसका सबिना श्रेष्ठ छनोट हुँदा ५५ केजी महिलामा पुलिसका जिया कार्की, गण्डकीका अनु गुरुङ,आर्मीका सानु माया थिङ र सुदुरपश्चिमका पुस्पा मदाई छनोट भएकी छन् ।
पुरुष ६० केजीमा पुलिसका सोनाम लामा,आर्मीका बिजय रिमाल, एपीएफका सुबिन खत्री र बागमतीका रिकेश भण्डारी छनोट भए ।
पुरुष ६७ केजीमा बागमतीका एलोन श्रेष्ठ, पुलिसका सन्तोष श्रेष्ठ, आर्मीका कृतन महर्जन र बागमतीका अमृत थोकर छनोट भए ।
पुरुष ७५ केजीमा एपीएफका सुबाश घतानी, गण्डकीका सज्वल बुढाथोकी, आर्मीका किरण पुन र प्रदेश-१ का रुरीहाङ दुमी छनोट भए ।
पुरुष ८४ केजी मुनि एपीएफका मोहमद शेख आलम, बागमतीका आशिष थापा,प्रदेश-१ का ईश्वर धन राई र आर्मीका सुरेश जाप्रेल छनोट भए ।
पुरुष ८४ केजी माथि पुलिसका विप्लब लाल श्रेष्ठ, अपिएफका डिगम्बर पन्त, आर्मीका विपिन राज सिंह दर्जी र बागमतीका सुमोन ब्लोन छनोट भए ।
छनोट अन्तर्गत शनिबार एकल काता पुरुष, महिला र पुरुष ६० केजी तौलको छनोट भएको थियो ।
पुरुष एकल काताबाट एपीएफका स्वर्निभ मानन्धर, पुलिसका प्रविन मानन्धर, पुलिसका महशुस मोक्तान र बागमतीका रेहन जावेद छनोट भएका थिए ।
महिला एकल कातामा पुलिसका चन्चला दनुवार, कर्णालीका एलिसा मगर, पुलिसका सरु कार्की र आर्मीका रिना श्रेष्ठ छनोट भएका थिए ।
त्यस्तै पुरुष ६० केजीमा पुलिसका सोनाम लामा, आर्मीका बिजय रिमाल, एपीएफका सुबिन खत्री र बागमतीका रिकेश भण्डारी छनोट भएका थिए ।
छनोट भएका खेलाडीलाई राखेपसँग छलफल गरेर प्रारम्भिक चरणको बन्द प्रशिक्षणमा राखिने श्रेष्ठले जानकारी दिए ।
चीनको होङजाउमा आयोजना हुने एसियन गेम्स २०२३ को सेप्टेम्बर २३ देखि अक्टोबर ८ सम्म आयोजना हुदैछ ।
नेपालबाट एसियन गेम्समा करातेसहित २३ खेल समावेश गरिएको छ ।
