मिलानसँग टोटेनहम पराजित  

काठमाडौं । च्याम्पियन्स लिग फुटबलको राउण्ड अफ १६ अन्तर्गत पहिलो लेगमा इटालियन क्लब एसी मिलानले जित निकालेको छ ।

मंगलबार राति भएको खेलमा मिलानले प्रिमियर लिग क्लब टोटेनहमलाई १-० ले हराएको हो ।

घरेलु मैदानमा मिलानलाई जित दिलाउन ब्राहिम डियाजले निर्णायक गोल गरे ।

डियाजले खेलको सातौं मिनेटमा गोल गरेका थिए ।

च्याम्पियन्स लिगको नकआउट चरणमा उनको यो पहिलो गोल हो ।

यस जितसँगै मिलानले अन्तिम आठमा पुग्ने सम्भावना बलियो बनाएको छ ।

अब दुई टोलीबीचको दोस्रो लेग मार्च ८ मा हुनेछ ।

दोस्रो लेग टोटेनहमको मैदान लण्डनमा हुनेछ ।