भारतीय मिडफिल्डर दयानन्द मछिन्द्रमा

काठमाडौं । सहिद स्मारक 'ए' डिभिजन लिगको साविक विजेता मछिन्द्र फुटबल क्लबले भारतीय मिडफिल्डर दयानन्द सिंहलाई अनुबन्ध गरेको छ ।

मछिन्द्रले मंगलबार मिडफिल्डर दयानन्दलाई अनुबन्ध गरिएको जनाएको छ ।

मछिन्द्रले नयाँ सिजनको सहिद स्मारक 'ए' डिभिजन लिगका लागि दयानन्दलाई अनुबन्ध गरेको हो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

गत सिजन दयानन्दले मनाङ मर्स्याङ्दी क्लबबाट खेलेका थिए ।

यस अघि मछिन्द्रले फरवार्ड विजय भुजेल, मिडफिल्डर पुजन उपरकोटी, डिफेन्डर निसेन सुब्बा, फरवार्ड सौरभ लिम्बु  र प्रशान्त अवस्थीलाई अनुबन्ध गरेको थियो ।

यस्तै मछिन्द्रले राष्ट्रिय टिमका डिफेन्डर देवेन्द्र तामाङ, फरवार्ड विमल घर्ति मगर,  मिडफिल्डर सुजल श्रेष्ठ र मिडफिल्डर अविशेक गुरुङसँगको सम्झौता नवीकरण गरिसकेको छ ।