अफ्रिकन फरवार्ड मासोआबी जावलाखेलमा

काठमाडौं । सहिद स्मारक 'ए' डिभिजन लिग क्लब जावलाखेलले अफ्रिकी फरवार्ड एनकोटो स्यानोउस मासोआबीलाई अनुबन्ध गरेको छ ।

जावलाखेलले मंगलबार सामाजिक संजालबाट मासोआबीलाई अनुबन्ध गरिएको जनाएको छ ।

मासोआबी अफ्रिकी राष्ट्र लेसोथोको राष्ट्रिय टिमका फरवार्ड हुन् । मासोआबीले लेसोथोका लागि ३१ खेलमा २० गोल गरेका छन् ।

जावलाखेलले नयाँ सिजनको 'ए' डिभिजन लिगका लागि फरवार्ड मासोआबीलाई अनुबन्ध गरेको हो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

लिग डबल राउण्ड रोबिनको आधारमा हुनेछ ।