लिभरपुलले एभर्टनलाई हरायो

काठमाडौं । इंग्लिस प्रिमियर लिग फुटबलमा लिभरपुलले जित निकालेको छ ।

सोमबार राति भएको खेलमा लिभरपुलले एभर्टनलाई २-० गोल अन्तरले हराएको हो ।

लिभरपुलको जितमा मोहमद सलाह र कोडी गाक्पोले एक एक गोल गरे ।

खेलको ३६ औं मिनेटमा सलाहले गोल गर्दै लिभरपुललाई सुरुआती अग्रता दिलाएका थिए ।

त्यसपछि खेलको ४९ औं मिनेटमा गाक्पोले गोल गर्दै लिभरपुललाई २-० को जित दिलाए ।

यस जितसँगै लिभरपुलले २१ खेलमा ३२ अंक जोडेको छ ।

लिभरपुल नवौं स्थानमा रहेको छ ।

एभर्टन १८ अंक जोडेर १८ औं स्थानमा रहेको छ ।