महिला साफ यू-१७ रुसले खेल्ने, नेपालको पहिलो प्रतिद्वन्दी भारत

काठमाडौं । बंगलादेशमा आयोजना हुने साफ यू-१७ महिला च्याम्पियनसिप २०२३ फुटबलमा रुसले समेत सहभागिता जनाउने भएको छ ।

दक्षिण एसियाली फुटबल महासंघ (साफ) ले सोमबार साफ यू-१७ महिला च्याम्पियनसिपमा रुसको सहभागिता हुने जनाएको छ ।

ढाकामा आयोजना हुने प्रतियोगिता मार्च २० देखि २८ सम्म हुनेछ ।

साफले प्रतियोगिताको खेल तालिका समेत सार्वजनिक गरेको छ ।

प्रतियोगिताको पहिलो खेलमा नेपालले मार्च २० मा भारतसँग प्रतिस्पर्धा गर्नेछ ।

यस्तै नेपालले दोस्रो खेलमा मार्च २२ मा भुटानसँग खेल्दा मार्च २६ मा रुससँग खेल्नेछ ।

नेपालले मार्च २८ मा आयोजक बंगलादेशसँग खेल्नेछ ।

राउण्ड रोबिनको आधारमा हुने प्रतियोगिताको शीर्ष टोलीले उपाधि जित्नेछ ।

प्रतियोगिताको लागि नेपाली टोलीले तयारी गरिरहेको छ ।

मुख्य प्रशिक्षक भगवती राना मगरले २८ खेलाडीलाई बन्द प्रशिक्षणमा बोलाएका छन् ।

खेल तालिका -