नापोलीलाई १६ अंकको अग्रता

काठमाडौं । इटालियन सिरी ए फुटबलमा शीर्ष स्थानको नापोलीले सहज जित निकालेको छ ।

आइतबार राति भएको खेलमा नापोलीले क्रेमोनेसेलाई ३-० गोल अन्तरले हराएको हो ।

खेलको २१ औं मिनेटमा कभिचा केभाराटकेलियाले गोल गर्दै नापोलीलाई सुरुआती अग्रता दिलाएका थिए ।

खेलको ६५ औं मिनेटमा भिक्टर ओसिमहेनले गोल गर्दै नापोलीको अग्रता २-० को बनाए ।

त्यसपछि खेलको ७९ औं मिनेटमा इलिफ इल्मासले गोल गर्दै नापोलीलाई ३-० को जित दिलाए ।

जितसँगै नापोलीले २२ खेलमा ५९ अंक जोडेको छ ।

नापोली दोस्रो स्थानको इन्टर भन्दा १६ अंकले अघि रहेको छ ।

क्रेमोनेसे ८ अंक जोडेर पुछारमा रहेको छ ।