मेदभेदेब बाहिरिए, स्वेटेक चौंथो चरणमा

काठमाडौं । रुसी खेलाडी डानिल मेदभेदेब अष्ट्रेलियन ओपनको तेस्रो चरणबाट बाहिरिएका छन् ।

मेलबर्नमा शुक्रबार भएको खेलमा अमेरिकाका सेबास्टियन कोर्डासँग पराजित हुँदै मेदभेदेब बाहिरिएका हुन् ।

अष्ट्रेलियन ओपनमा दुई पटकको उपविजेता मेदभेदेबलाई कोर्डाले ७-६(९-७), ६-३, ७-६ (७-४)  ले पराजित गरे । 

ग्रीसका स्टेफानोस सित्सिपास भने चौंथो चरणमा प्रवेश गरेका छन् ।

सित्सिपासले नेदरल्यान्ड्सका टालोन ग्रिक्सपूरलाई ६-२,७-६(७-५) र ६-३ ले पराजित गरे ।

बेलायतका नम्बर एक खेलाडी क्यामरुन नोरी पनि तेस्रो चरणबाट बाहिरिएका छन् ।

महिलातर्फ विश्व नम्बर इगा स्वेटेकले चौंथो चरणको यात्रा तय गरेकी छिन् ।

पोल्याण्डकी इगाले स्पेनिस खेलाडी क्रिस्टिना बुक्सालाई ६-० र ६-१ ले पराजित गरिन् ।