साविक विजेता नाडाल बाहिरिए

काठमाडौं । साविक विजेता तथा स्पेनिस टेनिस स्टार राफायल नाडाल अष्ट्रेलियन ओपनको दोस्रो चरणबाट बाहिरिएका छन् ।

मेलबर्नमा बुधबार भएको दोस्रो चरणको खेलमा अमेरिकी म्याकेन्जी म्याकडोनाल्डसँग पराजित हुँदै नाडाल बाहिरिएका हुन् ।

चोटका बाबजुत खेलेका नाडाललाई म्याकडोनाल्डले ६-४,६-४ र ७-५ ले पराजित गरे ।

खेलको दौरान उनलाई हिपको समस्या देखिएको थियो ।

३६ वर्षीय नाडाल अष्ट्रेलियन ओपनमा दुई पटकको च्याम्पियन हुन् ।

म्याकडोनाल्ड भने तेस्रो चरणमा प्रवेश गरेका छन् ।