आमा बन्दै ओसाका

काठमाडौं । जापानी टेनिस स्टार नाओमी ओसाका आमा बन्ने भएकी छन् ।

पूर्व विश्व नम्बर एक ओसाकाले सामाजिक संजालबाट आमा बन्न लागेको घोषणा गरेकी हुन् ।

२५ वर्षिया ओसाका २०१९ बाट अमेरिकी र्यापर कोरडाइसँग डेट गरिरहेका छन् ।

चार पटकको ग्रान्डस्लाम विजेता ओसाकाले हालै अष्ट्रेलियन ओपन टेनिसबाट नाम फिर्ता लिएकी थिइन् ।

वर्षको पहिलो ग्रान्डस्लाम अष्ट्रेलियन ओपन जनवरी १६ बाट सुरु हुँदैछ ।

ओसाकाले २०१९ र २०२१ मा अष्ट्रेलियन ओपन जितेकी थिइन् ।