ओसाकाले अष्ट्रेलियन ओपन नखेल्ने

काठमाडौं । जापानी टेनिस स्टार नाओमी ओसाकाले अष्ट्रेलियन ओपन टेनिस नखेल्ने भएकी छन् ।

दुई पटकको च्याम्पियन ओसाकाले प्रतियोगिता सुरु हुन एक हप्ता बाँकी रहदा प्रतियोगिताबाट नाम फिर्ता लिएकी छिन् ।

वर्षको पहिलो ग्रान्डस्लाम अष्ट्रेलियन ओपन जनवरी १६ बाट सुरु हुँदैछ ।

ओसाकाले प्रतियोगिता नखेल्नुको कारण खुलाएकी छैनन् ।

२५ वर्षीया ओसाकाले २०१९ र २०२१ मा अष्ट्रेलियन ओपन जितेकी थिइन् ।