नेदरल्यान्ड्सविरुद्ध अर्जेन्टिनालाई अग्रता

काठमाडौं । कतारमा जारी फिफा विश्वकप फुटबल अन्तर्गत क्वाटरफाइनलको दोस्रो खेलमा अहिले नेदरल्यान्ड्स र अर्जेन्टिनाबीच प्रतिस्पर्धा भईरहेको छ ।

लुसाइल स्टेडियममा जारी खेलको पहिलो हाफ सकिदा अर्जेन्टिनाले १-० गोलको अग्रता बनाएको छ ।

नहुएल मोलिनाले ३५ औं मिनेटमा गोल गर्दै अर्जेन्टिनालाई सुरुआती अग्रता दिलाएका हुन् ।

मोलिनाले कप्तान लियोनल मेस्सीको पासमा गोल गरेका हुन् । उनको यो पहिलो अन्तराष्ट्रिय गोल हो ।

नेदरल्यान्ड्स आज अर्जेन्टिनालाई स्तब्ध पार्दै सेमिफाइनल पुग्न चाहन्छ ।

नेदरल्यान्ड्सले राउण्ड अफ १६ मा अमेरिकालाई हराएको थियो ।

अर्जेन्टिना पनि नेदरल्यान्ड्सलाई हराएर अन्तिम चारको यात्रा तय गर्न चाहन्छ ।

अर्जेन्टिनाले राउण्ड अफ १६ मा अष्ट्रेलियालाई हराएको थियो ।