राष्ट्रिय क्रिकेट टिमको बिदाइ, भारतमा तयारी गर्ने

काठमाडौं । नेपाल क्रिकेट संघ (क्यान) ले नेपाली राष्ट्रिय पुरुष क्रिकेट टोलीलाई बिदाइ गरेको छ ।

आईसीसी पुरुष क्रिकेट विश्वकप लिग टु अन्तर्गतको नामिबिया हुने त्रिदेशीय सिरिज खेल्ने नेपाली टोलीलाई मंगलबार बिदाइ गरेको हो ।

क्यानका कोषाध्यक्ष रोशनकुमार सिंह, क्यानका सदस्य दुर्गाराज पाठक र क्यानका महाप्रबन्धक वृतान्त खनालले बिदाइ गरे ।

नामिबिया जानु अघि नेपाली टोली भारत जाने छन् । भारतमा नेपाली टोलीले एक साता तयारी गर्ने छन् ।

सिरिजका लागि नेपालले रोहित पौडेलको कप्तानीमा टिम घोषणा गरिसकेको छ । 

नन्दन यादवले पहिलो पटक राष्ट्रिय टिममा स्थान बनाएका छन् ।

सिरिज आगामी डिसेम्बर २ देखि ८ सम्म हुनेछ ।

सिरिजमा आयोजक नामिबिया, नेपाल र स्कटल्याण्ड रहेको छ ।

सिरिजको अंक तालिकामा नेपाल छैटौं स्थानमा रहेको छ ।

नेपालले २० खेलमा १७ अंक जोडेको छ ।

नामिबिया २२ खेलमा २६ अंक जोडेर पाँचौं स्थानमा रहेको छ ।

स्कटल्याण्ड २८ खेलमा ४० अंक जोडेर दोस्रो स्थानमा रहेको छ ।

नेपालको टोली :

रोहित पौडेल, आसिफ शेख, दीपेन्द्र सिंह ऐरी, कुशल भुर्तेल, ललित राजवंशी, सोमपाल कामी, सागर ढकाल, अर्जुन साउद, ज्ञानेन्द्र मल्ल, आरिफ शेख, गुलशन झा, करण केसी, हरिशंकर साह, नन्दन यादव