आसिफ प्लेयर अफ द म्याच

काठमाडौं । युएईविरुद्धको तेस्रो तथा अन्तिम एकदिवसीय अन्तराष्ट्रियमा नेपालका आसिफ शेख प्लेयर अफ द म्याच चुनिएका छन् ।

नेपाललाई जित दिलाउन उत्कृष्ट ब्याटिङ गरेका आसिफ प्लेयर अफ द म्याच बनेका हुन् ।

निर्णायक मानिएको अन्तिम खेलमा आसिफको अर्धशतकमा नेपालले युएईलाई ६ विकेटले हराएको थियो ।

युएईलाई ६ विकेटले हराएसँगै नेपालले शुक्रबार सिरिज २-१ ले जितेको थियो ।

युएईविरुद्ध दुई पटक जीवनदान पाएका आसिफले अविजित रहदै सर्वाधिक ८८ रनको अर्धशतकीय इनिङ खेले । उनले १ सय १९ बलमा १२ चौका प्रहार गरे ।

प्लेयर अफ द म्याच बनेका उनले २० हजार नगद प्राप्त गरे ।

आसिफलाई राष्ट्रिय खेलकुद परिषद (राखेप) का बोर्ड सदस्य अन्जन धमलाले पुरस्कृत गरे ।