नवौं राष्ट्रिय : महिला भलिबलमा बागमतीलाई कास्य

पोखरा । नवौं राष्ट्रिय खेलकुद अन्तर्गत महिला भलिबलतर्फ बागमती प्रदेशले कास्य पदक जितेको छ ।

म्याग्दीको बेनीमा बुधबार कास्य पदकका लागि भएको खेलमा गण्डकी प्रदेशलाई ३-१ को सेटमा पराजित गर्दै बागमती प्रदेशले कास्य पदक प्राप्त गरेको हो ।

गण्डकीले पहिलो सेट २५–२० जितेको थियो । दोस्रो,तेस्रो र चौथो सेट लगातार बागमतीले जितेको थियो । बागमतीले क्रमशः २५-१२,२५-२१ तथा २५-१७ मा तीन सेट जितेको थियो ।

मंगलबार सेमिफाईनलमा पराजित बागमती र गण्डकीले कास्यका लागि खेलेका थिए । बुधबार सेमिफाईनलमा जित हात पारेका दुई विभागीय टोली नेपाल पुलिस क्लब र नेपाल एपीएफ क्लब बिच स्वर्णका लागि आज नै खेल हुनेछ ।