पोखरा । नवौं राष्ट्रिय खेलकुद अन्तर्गत पौडीमा एनआरएनएकी एस्ली सापकोटा डंगोलले चौंथो स्वर्ण पदक जितेकी छिन् ।
पोखरास्थित फिस्टेल एकेडेमीमा आइतबार एस्लीले ८०० मिटर फ्री स्टाइलमा स्वर्ण हात पारिन् ।
सर्ट कोर्समा भएको स्पर्धामा एस्लीले १० मिनेट ३०.६४ सेकेन्डको समय निकाल्दै चौंथो स्वर्ण हात पारेकी हुन्।
यस अघि शनिबार ५० मिनेट बटरफ्लाई, १०० फ्री स्टाइल र २०० मिटर ब्याक स्ट्रोकमा स्वर्ण जितेकी थिइन् ।
यस इभेन्ट्समा नेपाल पुलिस क्लबकी आर्या महर्जनले १० मिनेट ४१.६२ सेकेन्डको समय निकाल्दै रजत हात पारिन् ।
पुलिसकै समिरा सोभ थापा मगरले १० मिनेट ५७.६४ सेकेन्डको समय निकाल्दै काश्य जितिन्।
