अलराउण्डर दिपकले टी-ट्वान्टी सिरिज गुमाउने

काठमाडौं । भारतका अलराउण्डर दिपक होडाले दक्षिण अफ्रीकाविरुद्धको टी-ट्वान्टी सिरिज गुमाउने भएका छन् ।

चोटको कारण दिपकले दक्षिण अफ्रीकाविरुद्धको तीन खेलको सिरिज गुमाउने भएका हुन् ।

भारत भ्रमणमा रहेको दक्षिण अफ्रीका र घरेलु टोलीबीचको पहिलो टी-ट्वान्टी बुधबार हुनेछ ।

दिपकले चोट र मोहमद शामी कोभिड-१९ को संक्रमणको कारण टोलीबाट बाहिरिएपनि भारतले उनीहरुको स्थानमा अन्य खेलाडी डाकेको छैन ।

तर, भारतले शाहबज अहमेद  र श्रेयर एयरलाई टोलीमा बोलाउने तयारी भईरहेको बताईएको छ ।