कुशलले खेल्ने पाकिस्तान जुनियर लिगको खेल तालिका सार्वजनिक

काठमाडौं । नेपालका अलराउण्डर कुशल मल्लले खेल्ने पाकिस्तान जुनियर क्रिकेट लिग(पीजेसीएल) को खेल तालिका सार्वजनिक भएको छ ।

सार्वजनिक खेल तालिका अनुसार पीजेसीएल ६ अक्टोबर देखि २१ अक्टोबरसम्म हुनेछ ।

प्रतियोगितामा कुल १९ खेल हुनेछ । यस लिगको फाइनल खेल २१ अक्टोबरमा रहेको छ ।

लिगका सम्पूर्ण खेल लाहोरमा हुनेछ ।

पीजेसीएलको ड्राफ्टबाट कुशललाई ग्वादार शार्कले छैटौं चरणमा अनुबन्ध गरेको हो ।

कुशल आबद्द शार्कको पहिलो खेल ८ अक्टोबरमा रावलपिण्डी राईडर्ससँग रहेको छ ।

यस लिगमा विश्वका यू-१९ टिमका खेलाडीहरुले खेल्ने छन् ।

१८ वर्षीय कुशलले नेपालका लागि ८ एकदिवसीय तथा १५ टी-ट्वान्टी अन्तराष्ट्रिय खेलेका छन् ।

कुशलले कम उमेरमा एकदिवसीय अन्तराष्ट्रियमा अर्धशतकको कीर्तिमान समेत बनाएका थिए ।

कुशल यस अघि यूएईमा आयोजना हुने टी १० लिगमा समेत सहभागी रहेका थिए ।