शामीले अष्ट्रेलियाविरुद्धको सिरिज गुमाउने

काठमाडौं । भारतका फास्ट बलर मोहमद शामीले अष्ट्रेलियाविरुद्धको टी-ट्वान्टी सिरिज गुमाउने भएका छन् ।

कोभिड-१९ को संक्रमण भएपछि शामीले अष्ट्रेलियाविरुद्धको सिरिज गुमाउने भएका हुन् ।

भारतले शामीको स्थानमा उमेश यादवलाई टोलीमा बोलाएको छ ।

भारतले घरेलु मैदानमा अष्ट्रेलियाविरुद्ध तीन खेलको टी-ट्वान्टी सिरिज खेल्नेछ ।

भारत र अष्ट्रेलियाबीचको पहिलो टी-ट्वान्टी मंगलबार हुनेछ ।

यस्तै दोस्रो खेल २३ सेप्टेम्बरमा रहेको छ । सिरिजको तेस्रो तथा अन्तिम खेल २५ सेप्टेम्बरमा हुनेछ ।