इंग्ल्यान्डसँग खेल्ने पाकिस्तानी टोली घोषणा

काठमाडौं । घरेलु टोली पाकिस्तानले इंग्ल्यान्डविरुद्धको टी-ट्वान्टी अन्तराष्ट्रिय  सिरिजका लागि टिम घोषणा गरेको छ।

पाकिस्तानले बाबर अजामको कप्तानीमा १८ सदस्सीय टोलीको घोषणा गरेको हो ।

पाकिस्तानले इंग्ल्यान्डविरुद्धको सात खेलको टी–ट्वान्टी सिरिजका लागि अलराउन्डर आमिर जमाल र लेग स्पिनर अबरार अहमदलाई पहिलो पटक टोलीमा राखेको छ ।

सिरिजको पहिलो खेल सेप्टेम्बर २० मा कराँचीमा हुनेछ । जहाँ अन्तिम तीन खेलका लागि लाहोर जानुअघि कुल चार खेल आयोजना हुनेछन् ।

सिरिजको सातौं तथा अन्तिम खेल २ अक्टोबरमा रहेको छ ।