नवौं राष्ट्रिय : पुरुष क्रिकेटको दुबै सेमिफाइनल आज

काठमाडौं । नवौं राष्ट्रिय खेलकुद अन्तर्गतको पुरुष क्रिकेट प्रतियोगितामा आज बिहीबार दुई सेमिफाइनलका खेलहरु हुँदैछन् ।

कीर्तिपुरस्थित टियु मैदानमा दुबै खेल हुनेछ । टियुमा हुने पहिलो सेमिफाइनलमा विभागीय टोली त्रिभुवन आर्मी क्लब र सुदुरपश्चिम प्रदेशबीच प्रतिस्पर्धा हुनेछ । आर्मी र सुदुरबीचको खेल बिहान ९:१५ बाट सुरु हुनेछ ।

आर्मी समूह 'ए' को विजेता बन्दै सेमिफाइनल पुगेको हो । सुदुरपश्चिम समूह 'बी' को उपविजेताका रुपमा अन्तिम चारमा पुगेको हो । सुदुपश्चिम सेमिफाइनल पुग्ने एक मात्र प्रदेश टोली हो ।

टियुमा नै हुने दोस्रो सेमिफाइनलमा एनआरएनए स्पोर्टस एकेडेमी र नेपाल पुलिस क्लबबीच खेल हुनेछ । यस खेल दिउँसो १:१५ बजे सुरु हुनेछ।

समूह 'बी' बाट समूह विजेताको रुपमा एनआरएनए सेमिफाइनल पुगेको हो । नेपाल पुलिस समूह 'ए' को उपविजेताको रुपमा सेमिफाइनल पुगेको हो ।

गण्डकी प्रदेशमा आयोजना हुने नवौं राष्ट्रिय खेलकुद असोज २८ देखि कात्तिक ३ सम्म आयोजना हुनेछ । तर, पुरुष क्रिकेट भने अगाडी नै आयोजना भईरहेको हो ।

प्रतियोगितामा तीन विभागिय,सात प्रदेश तथा एनआरएनको टोली गरी ११ टोलीको सहभागीता रहेको छ । सहभागी ११ टोलीलाई दुई समूहमा विभाजन गरिएको छ ।