काठमाडौं । नेपाली सेनाका हरिकुमार रिमालले १४ औं संस्करणको काठमाडौं म्याराथनको उपाधि जितेका छन् ।
दशरथ रंगशालामा शनिबार निर्धारित दुरी २ घन्टा ४० मिनेट ४० सेकेन्डमा पूरा गर्दै रिमालले उपाधि जितेका हुन् । उपाधिसँगै रिमालले १ लाख नगद पुरस्कार प्राप्त गरे ।
दोश्रो स्थानमा रहेका सेनाकै जुनेश खड्काले उक्त दुरी २ घण्ठा ४५ मिनेट ५९ सेकेन्डमा पूरा गरे ।
यस्तै तेश्रो स्थानमा रहेका एपीएफका राजन चौधरीले २ घन्टा ५५ मिनेट ४७ सेकेन्डका साथ दुरी पूरा गरे । दोस्रोले ५० हजार र तेस्रोले २५ हजार रुपैंया प्राप्त गरे ।
राजा मेहता, मिलन तामाङ र नारायण बस्नेत क्रमश चौथो, पाँचौं र छैटौं स्थानमा रहे ।
पुरुषतर्फको हाफ म्याराथनमा पर्वतका सुवास गुरुङ १ घण्टा १५ मिनेट र २१ सेकेन्डमा पहिलो, आर्मीका नवराज बुढा १ घण्टा २२ मिनेट र २२ सेकेन्डमा दोस्रो तथा आर्मीकै देवराज वस्नेत १ घण्टा २५ मिनेट र ४७ सेकेन्डमा तेस्रो भए ।
महिला हाफ म्याराथनमा पुलिसकी रेखा विष्ट १ घण्टा २६ मिनेट र ४० सेकेन्डमा पहिलो, धादिङकी लक्ष्मी थापा १ घण्टा ४६ मिनेट र ५८ सेकेन्ड तथा दोल्खाकी तिलिमाया राउत २ घण्टा ५ मिनेट र ५६ सेकेन्डमा तेस्रो भए ।
यस विधामा पुरुष र महिला दुवैतर्फ पहिलोले ५०, दोस्रोले २५ र तेस्रोले १० हजार रुपैंया हात पारे ।
ह्विल चियर तर्फको प्रतिस्पर्धामा जोरपाटीका रामकाजी मिजारले १५ मिनेट ४०.६३ सेकेन्डमा साथ प्रथम स्थान हात पारे । यस्तै जाउलाखेलका दीपक श्रेष्ठले १५ मिनेट ४४.४५ सेकेन्डका साथ दोश्रो र जोरपाटीकै अर्जुन ढुङ्गानाले १६ मिनेट ४६.०९ सेकेन्डका साथ तेश्रो स्थान हात पारे ।
महिलातर्फ बागबजारकी यामी झाक्रीले २१ मिनेट २८ सेकेन्डका साथ प्रथम र २३ मिनेटका साथ लक्ष्मी घिमिरेले दोश्रो स्थान प्राप्त गरिन् ।
५ कि.मि. स्कुल तर्फ छात्रमा १२ मिनेट १९ सेकेन्डका साथ ललितपुरका प्रविन लिम्बुले स्वर्ण पाए । यस्तै १३ मिनेट ५१ सेकेन्डका साथ छोयागल लामा दोश्रो र १४ मिनेट २५ सेकेन्डका साथ अरविन खत्री तेश्रो भए ।
छात्रा तर्फ सरस्वती बोहरा १५ मिनेट १२ सेकेन्डका साथ स्वर्ण, आयुषा आचार्य १५ मिनेट ४८ सेकेन्डका साथ रजत र भावना नाथ १६ मिनेट २० सेकेन्डका साथ कास्य प्राप्त गर्न सफल भए ।
५ कि.मि. पुरुष तर्फ राजेन्द्र तामाङ, अभिषेक पाँचकोटी र यामराज खत्री क्रमश प्रथम, द्वितीय र तृतीय भए । महिला तर्फ अञ्जु खड्का, मनिष गिरी र श्रेवी महर्जन क्रमश प्रथम, द्वितीय र तृतीय भए ।
३ कि.मि. मास्टरको पुरुष तर्फ धर्म महर्जन, मनिन महर्जन र भिम बहादुर गुरुङ्ग प्रथम, द्वितीय र तृतीय भए । यस्तै महिला तर्फ ईम्ला प्रधानले स्वर्ण पाईन् ।
२१ कि.मि. तर्फ पुरुषमा सुवास गुरुङले प्रथम स्थान प्राप्त गर्दा नवराज बुढा र देवराज बस्नेत क्रमस दोश्रो र तेश्रो भए । महिला तर्फ रेखा बिष्ट, लक्ष्मी थापा र निलिमा राउतले क्रमश स्वर्ण, रजत र कास्य पाए ।
एनआरएस स्पोर्टस फाउन्डेसनको आयोजनामा हुने दौड नेपालको सबैभन्दा प्रतिष्ठित र नियमित आयोजना हुँदै आएको म्याराथन हो । दौड यसअघि कोरोना संक्रमणको कारण दुई वर्ष आयोजना हुन सकेको थिएन ।
-1750064258.webp)
-1750047432.webp)
