सेरेना र मेदभेदेबको विजयी सुरुआत

काठमाडौं । अमेरिकी खेलाडी सेरेना विलियम्सले युएस ओपन टेनिसमा विजयी सुरुआत गरेकी छिन् ।

न्युयोर्कमा मंगलबार बिहान मोन्टेनेग्रोकी डन्का कोभिनिकलाई हराएर सेरेनाले सुखद सुरुआत गरेकी हुन् ।

२३ पटकको ग्रान्डस्लाम विजेता सेरेनाले कोभिनिकलाई ६-३ र ६-३ को सेटमा पराजित गरिन् ।

४० वर्षिया सेरेनाको यस प्रतियोगिता बिदाइ प्रतियोगिता हो । उनले युएस ओपनपछि सन्यासको घोषणा गरिसकेकी छिन्।

पुरुषतर्फ रुसी खेलाडी डानिल मेदभेदेबले पनि सुखद सुरुआत गरेका छन् ।

साविक विजेता समेत रहेका डानिलले अमेरिकन खेलाडी स्टेफान कोजलोभलाई पराजित गरे ।

रुसका नम्बर एक खेलाडी डानिलले स्टेफानलाई ६-२,६-४ र ६-० ले हराएर ।

डानिलले दोस्रो चरणमा फ्रान्सका अर्थरसँग खेल्ने छन्।