भलिबल संघको महासचिवमा छन्त्यालको उम्मेदवारी

काठमाडौं । नेपाल भलिबल संघको महासचिव पदमा मनवीर छन्त्यालले उम्मेदवारीको घोषणा गरेका छन् ।

हाल संघका सचिव समेत रहेका छन्त्यालले बिहीबार पत्रकार सम्मेलन गर्दै महासचिवमा उम्मेदवारीको घोषणा गरेका हुन् ।

नेपालको राष्ट्रिय खेल भलिबल संघको केन्द्रिय निर्वाचन भदौ २२ गते काठमाडौंमा हुदैछ ।

छन्त्याल लामो समयबाट भलिबलमा सक्रिय रहदै आएका छन् । उनले संघको कार्यसमितिमा दुई कार्यकाल काम गरिसकेका छन् ।

छन्त्यालले  अध्यक्षको उम्मेदवार निरोज मास्केकोको प्यानलबाट उम्मेदवारीको घोषणा गरेका हुन् । मास्केले गत साउन मै अध्यक्षमा उम्मेदवारीको घोषणा गरिसकेका छन् ।

ढोरपाटन भलिबल प्रशिक्षण केन्द्रका अध्यक्ष छन्त्यालले २०५८ सालमा आफ्नै अध्यक्षतामा ढोरपाटन स्पोर्ट्स क्लबको स्थापना गरेका थिए ।

ढोरपाटनले नेपाली महिला भलिबलमा निकै महत्वपूर्ण योगदान दिएको छ ।

ढोरपाटनले महिला डबल लिग भलिबल प्रतियोगिता समेत आयोजना गर्ने गर्छ । जुन महिला खेलाडीको लागि पर्खाइको प्रतियोगिता रहदै आएको छ ।