रोयल र गोल्डेनगेट सेमिफाइनलमा

काठमाडौं । रोयल र गोल्डेनगेट प्रथम राष्ट्रिय खुला बास्केटबल प्रतियोगिताको पुरुषमा बिहीबार फाइनलमा प्रवेश गरेका छन् ।
रोयलले आयोजक नखिपोट युथ क्लब ‘ए’ लाई १०५–२७ ले पराजित गर्यो  । रोयलका निकेश मगरले २७ स्कोर गरे । रोयल सबै क्वाटरमा हावी रह्यो । रोयलले पहिलोमा २७–११, दोश्रोमा २६–४, तेश्रोमा २४–६ र चौथोमा २८–६ अंक जोड्यो।
गोल्डेनगेटले आईएसए नेपाललाई ६८–५५ ले हरायो । गोल्डेनगेटका अभिषेक सिंहले २३ अंक जोडे । पहिलो क्वाटरमा २३–१४ को अग्रता लिएको गोल्डेनगेट दोश्रोमा १६–१७ र तेश्रोमा १२–१४ को सामान्य अन्तरले पछि पर्यो । गोल्डेनलगेट चौथोमा १७–१० ले अगाडि रह्यो ।
पुरुषमै नेपाल आर्मी पनि विशाल मिलन केन्द्र (बीएमके) लाई ७८–७४ ले पाखा लगाउदै सेमिफाइनल यात्रा तय गर्यो  । अन्य खेलमा झै आर्मीका लागि सर्वाधिक स्कोर गर्ने क्रममा आयुश सिंहले २६ स्कोर गरे ।
सुरुका तीन क्वाटरमा क्रमशः १७–१६, २६–१९ र १८–१५ को अग्रता लिनु नै आर्मीको जितको आधार बन्यो । चौथोमा बिएमकेले २४–१७ को अग्रता लिएपनि जित हात पार्न सकेन ।