यू-१६ थ्री बाइ थ्री बास्केटबलमा ४४ टिम

काठमाडौं ।  यू-१६ ब्वाइज एण्ड गर्ल्स थ्री बाइ थ्री बास्केटबल प्रतियोगितामा ४४ टिमको सहभागिता रहने भएको छ ।

प्रतियोगितामा ब्वाइजतर्फ ३२ टिम र गर्ल्समा १२ टिम गरि कुल ४४ टिमको सहभागिता रहने आयोजकले जनाएको छ ।

साउथ कन्कुएरर स्पोर्ट्स एकेडेमीको आयोजनामा हुने प्रतियोगिता साउन २८ र २९ गते हुनेछ ।

प्रतियोगिता ललितपुरको भनिमण्डल बास्केटबल कोर्टमा हुनेछ ।

भनिमण्डल युथ क्लबको सहयोगमा हुने प्रतियोगिताको विजेताले १० हजार र उपविजेताले ५ हजार पाउने छन् ।

मोस्ट भ्यालुएबल खेलाडीलाई आकर्षक गिफ्ट ह्याम्पर प्रदान गरिनेछ ।