डेफो फरक भूमिकामा टोटेनहम फर्किए  

काठमाडौं । पूर्व स्ट्राइकर जर्मेन डेफो प्रशिक्षकको रुपमा प्रिमियर लिग क्लब टोटेनहम फर्किएका छन् ।

टोटेनहमले शुक्रबार डेफो एकेडेमीको कोचिङ स्टाफ र क्लब एम्बासडरको रुपमा क्लब फर्किएको जनाएको छ ।

इंग्ल्यान्डका पूर्व स्ट्राइकर डेफोले २०१४ मा टोटेनहम छाडेका थिए ।

त्यसअघि उनले टोटेनहमका लागि ३ सय ६३ खेलमा १ सय ४३ गोल गरेका थिए ।

त्यसबाहेक उनले बर्नेमाउथ, वेस्ट ह्याम, टोरन्टो, सन्डरल्याण्ड, पोर्ट्समाउथ र रेन्जर्सबाट खेलेका छन् ।

गत सिजन उनले सन्डरल्याण्डबाट खेलेका थिए ।