बीआईएसको जित

काठमाडौं । आयोजक बीआईएसले पाँचौं बीआईबी कप अन्तरविद्यालय बास्केटबल प्रतियोगिताको गर्ल्समा बुधबार जित हात पारेको छ ।

बीआईएसले विद्या संस्कारलाई २३–८ ले पराजित गर्यो । विजेताकी सब्रिना पन्तले ९ अंक जोडिन ।

गर्ल्समै निसर्गले न्यु बुद्ध प्रकाशलाई २१–१० तथा ड्याफोडिलले मेरिडियन इन्टरनेसनललाई १७–७ ले हराए ।

निसर्गका रक्षा महर्जनले ११ तथा ड्याफोडिलका मिस्ती भक्तले ६ स्कोर गरे ।

ब्वाइजमा न्यु बुद्ध प्रकाशलले निसर्ग बाटिकालाई ३३–३१ तथा प्यारागनले ड्याफोडिललाई २६–१३ ले पन्छाए ।

न्यु बुद्ध प्रकाशका आभाष लामाले १० तथा प्यारागनका विक्कीले २१ स्कोर गरे ।