जोकोभिच विम्बल्डनको फाइनलमा

काठमाडौं । साविक विजेता तथा सर्बियन नोभाक जोकोभिच विम्बल्डन टेनिसको फाइनलमा प्रवेश गरेका छन् ।

सेन्टर कोर्टमा शुक्रबार राति बेलायतका क्यामरुन नोरीलाई हराउँदै जोकोभिच उपाधि नजिक पुगेका हुन् ।

शीर्ष वरीयताका जोकोभिचले नवौं वरीयताका क्यामरुनमाथि २-६, ६-३, ६-२ र ६-४ को सेटमा जित हात पारे ।

अब जोकोभिचले उपाधिका लागि निक क्रिगोससँग खेल्ने छन् ।

फाइनल आइतबार हुनेछ ।

क्रिगोसले राफायल नाडालबाट वाकओभर पाएका थिए ।

चोटको कारण नाडालले सेमिफाइनल खेल नखेल्ने भएका हुन् ।