एपीएफसँग पराजित न्यु डायमण्ड जित विहीन
काठमाडौं । साविक विजेता न्यु डायमण्ड स्पोर्ट्स क्लब छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिग प्रतियोगिताको महिलातर्फ जित विहीन बनेको छ ।
त्रिपुरेश्वरस्थित राखेपको कभर्डहलमा शुक्रबार आफ्नो अन्तिम लिग खेलमा एपीएफसँग ३-० को सेटमा पराजित भएपछि न्यु डायमण्ड जित विहीन बनेको हो ।
एपीएफले न्यु डायमण्डमाथि २५–१९, २५–१० र २५–९ को सेटमा हराएको हो । न्यु डायमण्डको यो लगातार चौंथो हार हो ।
न्यु डायमण्डले ४ खेल १ अंक जोडेर प्रतियोगिता सकाएको छ ।
एपीएफको यो तेस्रो जित हो । एपीएफले ९ अंक जोड्यो ।
महिलातर्फको अन्तिम खेलमा शनिबार आर्मी र पुलिस प्रतिस्पर्धा गर्नेछन् । आर्मीले ६ अंक जोडेको छ । पुलिसको ९ अंक रहेको छ ।
शीर्ष टोलीले उपाधि जित्नेछ ।
विजेताले ६ लाख, उपविजेताले ३ लाख, तेस्रोले १ लाख ५० हजार र चौंथोले ७५ हजार प्राप्त गर्ने छन् ।
सर्वोत्कृष्ट पुरुष तथा महिला खेलाडीले जनही ३५/३५ हजार पाउँदा व्यक्तिगत विधा तर्फ उत्कष्ट सेटर, ब्लकर सर्भर, स्पाईकर, लिवेरो र प्रशिक्षकले जनही १५/१५ हजार प्राप्त गर्नेछन् ।
