काठमाडौं । इटालियन सिरी ए फुटबलमा इन्टर मिलानले जित निकालेको छ ।
आइतबार राति भएको खेलमा इन्टरले उडीनेजेलाई २-१ गोल अन्तरले हराएको हो ।
खेलको १२ औं मिनेटमा इभान पेरिसिचले गोल गर्दै इन्टरलाई सुरुआती अग्रता दिलाएका थिए ।
खेलको ३९ औं मिनेटमा लाउटरो मार्टिनेजले गोल गर्दै इन्टरलाई २-० को अग्रता दिलाए ।
त्यसपछि खेलको ७२ औं मिनेटमा उडीनेजेका पुसेट्टोले गोल गरेपनि इन्टर २-१ ले विजयी भयो ।
जितसँगै इन्टरले ३५ खेलमा ७५ अंक जोडेको छ ।
इन्टर दोस्रो स्थानमा रहेको छ ।
उडीनेजे ४३ अंक जोडेर १२ औं स्थानमा रहेको छ ।
