क्यामरुनी टोलीसँग नेपालको बराबरी

काठमाडौं । एएफसी एसियन कप छनोटको बन्द प्रशिक्षणमा रहेका नेपाली राष्ट्रिय फुटबल टोलीले मैत्रीपूर्ण खेलमा क्यामरुनको एभेनिर फुटबल क्लबसँग बराबरी खेलेको छ ।

त्रिपुरेश्वरस्थित दशरथ रंगशालामा शुक्रबार साँझ भएको मैत्रीपूर्णमा नेपालले क्यामरुनी टोलीसँग गोलरहित बराबरी खेलको हो।

एसियन कप छनोटको तयारीमा रहेको नेपाली टोलीले क्यामरुनी टोलीसँग अभ्यास खेल खेलेको हो ।

क्यामरुनी टोलीविरुद्ध अधिकांस नयाँ खेलाडी मैदान उत्रिएका थिए ।

१० खेलाडीले क्याम्प छाडेपछि मुख्य प्रशिक्षक अब्दुल्लाह अलमुताईरीले १७ नयाँ खेलाडीलाई प्रशिक्षणमा डाकेका छन्।

अलमुताईरीको कार्यशैलीमा असन्तुष्टि जनाउँदै १० खेलाडी प्रशिक्षण छाडेर बाहिरिएका हुन् ।

छनोटमा नेपाल  समूह 'ए' मा रहेको छ ।  नेपाल रहेको समूहमा कुवेत, इन्डोनेसिया र जोर्डन रहेका छन् ।

नेपालको समूहको छनोट खेलहरु कुवेतमा आयोजना हुनेछ ।