अष्ट्रियाको मुख्य प्रशिक्षक बन्दै राङनिक

काठमाडौं । इंग्लिस क्लब म्यानचेस्टर युनाईटेडका अन्तरिम प्रशिक्षक राल्फ राङनिक अष्ट्रियाको राष्ट्रिय फुटबल टिमको मुख्य प्रशिक्षक बन्ने भएका छन् ।

स्काई स्पोर्ट्स न्युजले राङनिक अष्ट्रियाको मुख्य प्रशिक्षक बन्न लागेको जनाएको छ ।

राङनिकसँग केहि दिनमा अष्ट्रियाले सम्झौता गर्ने बताईएको छ ।

६३ वर्षीय जर्मन प्रशिक्षक राङनिकको युनाईटेडसँगको सम्झौता २०२४ सम्म रहेको छ ।

ओले गन सोल्सारलाई बर्खास्त गरेपछि युनाईटेडले राङनिकलाई अन्तरिम प्रशिक्षक चयन गरेको थियो ।  

यता, युनाईटेडले डच प्रशिक्षक एरिक टेन ह्यागलाई मुख्य प्रशिक्षकको जिम्मेवारी दिने तयारी गरेको छ ।