क्लोपले गरे सम्झौता नवीकरण

काठमाडौं ।  इंग्लिस प्रिमियर लिग क्लब लिभरपुलका मुख्य प्रशिक्षक योर्गेन क्लोपले क्लबसँगको सम्झौता नवीकरण गरेका छन् ।

जर्मन प्रशिक्षक क्लोपले थप दुई वर्ष एनफिल्डमा बस्ने गरि सम्झौता नवीकरण गरेका हुन् ।

अब क्लोप २०२६ सम्म लिभरपुलमा रहने छन् ।

क्लोपको लिभरपुलसँगको सम्झौता २०२४ को जुनमा सकिने थियो ।

तर, क्लोपले सम्झौता नसकिदै नवीकरण गरेका हुन् ।

क्लोप सन् २०१५ मा मुख्य प्रशिक्षकको रुपमा लिभरपुल आएका थिए ।

क्लोपले लिभरपुललाई प्रिमियर लिग, च्याम्पियन्स लिग लगायतका ठुला उपाधि जिताईसकेका छन् ।