अलमुताईरीविरुद्ध बिद्रोह गरेका खेलाडीहरु पत्रकार सम्मेलन गर्दै

काठमाडौं । राष्ट्रिय फुटबल टिमको बन्द प्रशिक्षणबाट बिद्रोह गरेका खेलाडीहरुले पत्रकार सम्मेलन गर्ने भएका छन् ।

प्रशिक्षक अब्दुल्लाह अलमुताईरीको कार्यशैलीमा असन्तुष्टि जनाउँदै बन्द प्रशिक्षणबाट बिद्रोह गरेका १० खेलाडीले आज साँझ पत्रकार सम्मेलन गर्ने भएका छन् ।

दरबारमार्गस्थित रोयलसिंगी होटलमा खेलाडीले साँझ ५ बजे पत्रकार सम्मेलन गर्ने भएका हुन् ।  

आफुहरुप्रति निकै अनुदार व्यवहार प्रर्दशन गरेको भन्दै खेलाडीले बन्द प्रशिक्षण छाडेका थिए ।

खेलाडीहरुले अखिल नेपाल फुटबल संघ (एन्फा)सँगको छलफलमा वर्तमान समस्या समाधानका लागि अलमुताइरीलाई बर्खास्त गर्नुपर्ने माग राखेको छ ।