काठमाडौं । इंग्लिस प्रिमियर लिग क्लब लिभरपुलले मुख्य प्रशिक्षक योर्गेन क्लोपसँगको सझौता नवीकरणको लागि तयारी सुरु गरेको छ ।
क्लोपलाई एनफिल्डमा लामो समय राख्न लिभरपुलले तयारी सुरु गरेको हो ।
जर्मन प्रशिक्षक क्लोपको लिभरपुलसँगको सम्झौता २०२४ को जुनमा सकिनेछ ।
तर, लिभरपुलले सम्झौता बाँकी रहदै क्लोपसँगको सम्झौता नवीकरण गर्न चाहेको हो ।
क्लोप सन् २०१५ मा मुख्य प्रशिक्षकको रुपमा लिभरपुल आएका थिए ।
क्लोपले लिभरपुललाई प्रिमियर लिग, च्याम्पियन्स लिग लगायतका ठुला उपाधि जिताईसकेका छन् ।
क्लोपले यस अघि सम्झौता सकिएपछि स्वदेश फर्कने बताउँदै आएका थिए ।
प्रशिक्षक क्लोपले आफु पूर्व क्लब मैन्ज फर्कन चाहेको बताएका थिए ।
-1753545694.jpg)
