उपाधिका लागि टाइम्स र आर्मी भिड्ने

इलाम । छैटौं हराईजन राष्ट्रिय बास्केटवल कपको उपाधिका लागिकाठमाडौंको टाइम्स क्लब र बिभागीय टिम त्रिभुवन आर्मी बिच प्रतिष्पर्धा हुने भएको छ ।

धरानमा जारी प्रतियोगिताको दोस्रो सेमिफाइनलमा टाईम्स क्लबले विशाल मिलन केन्द्र काठमाडौंविरुद्ध १२३–१०१ को जित निकाल्दै आर्मीसंगको भेट पक्का गरेको हो ।

खेलको म्यान अफ दि म्याच टाईम्स क्लबका विजय बुर्जा भए । उनले टिमका लागि ३३ स्कोर गरे ।

अब टाईम्स क्लबले भोली शुक्रबार हुने फाइनल खेलमा उपाधीका लागि त्रिभुवन आर्मी क्लबसंग प्रतिष्पर्धा गर्नेछ ।

आर्मीले पहिलो सेमीफाइनलमा काठमाडौंको रोयल्स बास्केटबल क्लबलाई ७९ का बिरुद्ध ९२ स्कोरले पराजित गर्दै कम्तीमा ५५ हजार सुरक्षित गरेको छ ।

प्रतियोगिताको बिजेताले नगद १ लाख ११ हजार पाउने छ ।