राष्ट्रिय महिला लिग स्थगित

काठमाडौं । राष्ट्रिय महिला लिग फुटबल प्रतियोगिता स्थगित भएको छ ।

अखिल नेपाल फुटबल संघ (एन्फा) ले आइतबार एक सूचना निकाल्दै महिला लिग स्थगित भएको जनाएको छ ।

प्रतियोगिता माघ १५ गतेबाट सुरु हुने तालिका रहेको थियो ।

तर, कोभिड-१९ को अर्को सूचना जारी नभएसम्मका लागि लिग स्थगित गरिएको एन्फाले जनाएको छ । 

महिला लिगमा ८ टिमको सहभागिता रहनेछ । 

लिगमा एपीएफ क्लब, त्रिभुवन आर्मी क्लब, नेपाल पुलिस क्लब, विराटनगर महानगरपालिका, वालिङ नगरपालिका, चन्द्रपुर नगरपालिका, धनगढी उपमहानगरपालिका र ललितपुर महानगरपालिकाको सहभागिता रहने छ ।

धनगढी र ललितपुर उपमेयर कप राष्ट्रिय महिला लिग छनौट प्रतियोगिताबाट राष्ट्रिय लिगका लागि छनोट भएको हो।

छनौटमा धनगढी च्याम्पियन बनेको थियो भने ललितपुर उपविजेता बनेको थियो ।