बेटिसको पुनरागमन जित  

काठमाडौं । स्पेनिस ला लिगा फुटबल रियल बेटिसले सहज जित निकालेको छ ।

शुक्रबार राति भएको खेलमा बेटिसले स्पानियोललाई ४-१ गोल अन्तरले हराएको हो ।

स्पानियोलको मैदानमा सुरुआती एक गोलको अग्रता उल्टाएर बेटिसले जित निकालेको हो ।

बेटिसको जितमा बोर्जा इग्लेसियसले दुई गोल गरे ।

गुइडो रोड्रिगेज र विलियन जोसेले एक एक गोल गरे ।

स्पानियोलका राउल डी टोमसले एक गोल फर्काए ।

यस्तै राउलले नै रातो कार्ड पाएपछि स्पानियोल १० खेलाडीमा समेटिएको थियो ।

यस जितसँगै बेटिसले २२ खेलमा ४० अंक जोडेको छ ।

बेटिस तेस्रो स्थानमा रहेको छ ।

स्पानियोल २७ अंक जोडेर ११ औं स्थानमा रहेको छ ।