मार्टिनेजद्वारा सम्झौता नवीकरण

काठमाडौं । इंग्लिस क्लब एस्टन भिल्लाका गोलकिपर इमिलियानो मार्टिनेजले क्लबसँगको सम्झौता नवीकरण गरेका छन्।

एस्टनले शुक्रबार गोलकिपर मार्टिनेजले सम्झौता नवीकरण गरेको जनाएको छ ।

सम्झौता नवीकरणसँगै उनी २०२७ सम्म एस्टनमा रहने छन् ।

२९ वर्षीय मार्टिनेज २०२० मा आर्सनलबाट एस्टन आएका थिए ।

एस्टन आएपछि उनी पहिलो रोजाईका गोलकिपर रहेका छन् ।

अर्जेन्टिनाले कोपा अमेरिकाको उपाधि जित्दा उनी टिममा रहेका छन् ।