सम्झौता थप गर्न लोरिस सहमत

काठमाडौं । प्रिमियर लिग क्लब टोटेनहमका कप्तान तथा गोलकिपर ह्युगो लोरिस सम्झौता थप गर्न सहमत भएका छन् ।

फ्रेन्च गोलकिपर लोरिस टोटेनहममा थप दुई वर्ष बस्न सहमत भएका हुन् ।

अब लोरिस २०२४ सम्म टोटेनहममा रहने छन् ।

२०१८ को विश्वकप विजेता गोलकिपर लोरिस लियोनबाट २०१२ मा टोटेनहम आएका थिए ।

३५ वर्षीय लोरिसले टोटेनहमका लागि ३ सय १८ प्रिमियर लिग खेलेका छन् । जसमा १ सय १२ क्लिन चिट राखेका छन् ।