फरवार्ड अन्जन सम्मानित

पोखरा । नेपाली राष्ट्रिय फुटबल टिमका फरवार्ड अन्जन विष्ट पोखरामा सम्मानित भएका छन् ।

मनाङ मर्स्याङ्दी क्लबका कप्तान समेत रहेका अन्जन सर्वोत्कृष्ट राष्ट्रिय फुटबल खेलाडी सम्मान २०७८ बाट सम्मानित भएका हुन् ।

सहारा क्लब पोखराले बिहीबार आहा रारा गोल्डकप फुटबलको उद्घाटन दौरान अन्जनलाई सम्मान गरेको हो । सहाराले अन्जनलाई नगद  ३५ हजार रुपैयाँ र सम्मान पत्रले सम्मान गरेको हो ।

सहाराले हरेक वर्ष राष्ट्रिय टोलीका एक खेलाडीलाई सम्मान गर्दै आएको छ ।

यस्तै सहाराले कान्तिपुर दैनिकका खेल पत्रकार हिमेशरत्न बज्राचार्यलाई पनि सम्मान गरेको छ । बज्राचार्यले हालै आहा रारा गोल्डकपको २० औं संस्करणसम्मको यात्राबारे पुस्तक प्रकाशन गरेका छन् ।