लेस्टरमाथि टोटेनहमको जित

काठमाडौं । इग्लीस प्रिमियर लिग अन्तर्गत टोटेनहमले लेस्टरमाथि जित निकाल्न सफल भएको छ । 

टोटेनहमले १–२ ले पछि परेको अवस्थामा लेस्टरमाथि ३–२ को जित निकालेको हो । 

टोटेनमहको जितमा स्टेभन वर्गविनले दुई तथा ह्यारी केनले एक गोल गरे । 

लेस्टरका लागि प्याटसन डाका र म्याडिसनले एक–एक गोल गरे । 

डाकाले २४ औं मिनेटमा गोल गर्दै लेस्टरलाई अग्रता दिलाएका थिए ।

टोटेनहमका केनले ३८ औं मिनेटमा गोल गर्दै खेललाई बराबरीमा ल्याए । 

लेस्टरका म्याडिसनले ७६ औं मिनेटमा गोल गरेपछि लेस्टर २–१ को अग्रता बनाउन सफल भयो । 

तर वर्गविनले इन्जुरी समयमा लगातार दुई गोल गरेपछि टोटेनहमले जित हात पार्न सफल भयो । 

जितसँगै टोटेनहमले १९ खेलबाट ३६ अंक जोड्दै लिग तालिकाको पाँचौ स्थानमा उक्लिएको छ । 

लेस्टर भने १९ खेलबाट २५ अंक जोड्दै १० औं स्थानमा रहेको छ ।